മരകുരിശു കാണുമ്പോഴൊക്കെ ഞാന് നിന്നെ ഓര്മിക്കാറുണ്ട്
ഗാഗുല്ത്താമലകളില് മുഴങ്ങിയ ഏലി ഏലി സബത്താമ എന്ന തേങ്ങലും
അന്ന് ഞാന് നിന്ടെ കൈകളില് ആണി തറച്ചപ്പോള് നീ പിടഞായിരുന്നു
നിന്ടെ ഞരമ്പുകള് വലിഞ്ഞു മുറുകി പേശികള് വിറയ്ക്കുന്നുണ്ടായിരുന്നു
നിന്ടെ ചുടു ചോര വീണ എന്ടെ ചതഞ്ഞ വിരലുകള് അന്ന് സുഖം പ്രാപിച്ചു
ഞാനതാരോടും പറഞ്ഞില്ല
നിയമ പുസ്തകത്തിലും അതിനാല് എന്ടെ പേര് നിനക്ക് സാകഷ്യം നല്കിയില്ല
ഞാന് നന്മയുടെ സ്വരൂപത്തില് തിന്മയുടെ ആണി തറച്ചവന്
ഒന്നുകൂടി വ്യക്തമാക്കിയാല് ബാരാബാസിനെക്കാള് വലിയ കള്ളന്
മുപ്പതു വെള്ളിക്കാശിനു നിന്നെ ഒറ്റിയ യൂദാസ് കരിയോതയേക്കള് നീചന്
കൈകഴുകി നിന് രക്തത്തിലെ പങ്കു മായ്ച്ച പീലാതോസ്സിനെക്കാള് മഹാ പാപി
കുറ്റബോധം മനസ്സില് നീറി പുകയുകയായിരുന്നു ഇതൊന്നുറക്കെ ലോകത്തോട് വിളിച്ചുപരയാഞ്ഞിട്ട്
അന്നെനിക്ക് അതിനു കഴിയാതെ പോയി
ചാട്ടാവാരടികളെ ഞാന് ഭയന്നിരുന്നു ഇടുങ്ങിയ കാരഗ്രിഹതിലെ ഇരുളിനെയും
പീലാതോസ്സിണ്ടേ കൊട്ടാരതിണ്ടേ പിറകിലായുള്ള
എന്ടെ കൊച്ചുവീട്ടില് നിന്നെ ഓര്ത്തു ഞാന് തേങ്ങി കരഞ്ഞു
ഇരുളടന്ജോരാ എന്ടെ ദിനങ്ങളിലെപോഴോ
നിന്ടെ തണുത്ത കൈകള് കൊണ്ടെന്നെ വീണ്ടും തലോടി
നിന്ടെ കൈകളിലെ വിലാപില് ഞാനൊന്ന് ചുംബിച്ചു
ഞാന് തറച്ച ആണി പഴുതിലൂടെ
നിന്ടെ ഹൃദയതിണ്ടേ സ്നേഹം ഞാന് കണ്ടു
* * * * * * * * * * * * * * *
ഇപ്പോഴെനിക്ക് ടൌണില് തന്നെ വലിയൊരു വീടുണ്ട്
അതിനോട് ചേര്ന്ന് വലിയൊരു ഫാക്ടറിയും
അവിടെ സ്വര്ന്നത്തിലും ചന്ദനതടിയിലും
എന്തിനു പ്ലാസ്ടിക്കില് വരെ
നിന്റെ മേല് ഞാന് ആണി തറയ്ക്കുന്നു
വിദേശ മാര്ക്കറ്റിലും നല്ല വിലയാണ്
നിന്ടെ കുരിശു രൂപത്തിന് ......
നിന്ടെ ആളുകള് ഇന്നത് ഒരു ഫാഷന് ആക്കി മാറ്റി
അത് എന്ടെ ഭാഗ്യം ...
എന്ടെ ഖദര് ഷര്ട്ടിന്ടെ പോകറ്റില് നിറച്ച്
ഗാന്ധി യുടെ ചിരി തെളിയുന്നു .....അട്ടഹാസങ്ങളും
നിന്നെ ആരാധിച്ച നിന്നെ സ്നേഹിച്ച ഗാന്ധി
ഞാനും ഒരു ഗാന്ധിയാണിപ്പോള്.....
ഹിംസ പാടെ ഉപേക്ഷിച്ച്....
ഉച്ചഭാഷിണികളിലൂടെ ഉറക്കെ നാല്ക്കവലകളില്
പ്രസംഗഗ്ങ്ങള് നടത്താറുണ്ട് ഒഴിവു സമയങ്ങളില്
ഞാനെന്നും നിന്ടെ ക്രൂശിത രൂപത്തിന് മുന്നില് തിരി തെളിയിക്കാറുണ്ട്
നിന്ടെ മേല് തറച്ച ആണി ആണല്ലോ എന്ടെ ജീവന്ടെ ഉറവിടം
ഇപ്പോഴും ലോകം ഒന്നും അറിഞ്ഞട്ടില്ല
പച്ച മാംസത്തില് ആണി തുളഞ്ഞു കയറുമ്പോള് പിടഞ്ഞ നിനക്കും
ആണി അടിച്ച എനിക്കും മാത്രം അറിയാവുന്ന ആ സത്യം
അത് അങ്ങിനെ തന്നെ ഇരുന്നോട്ടെ....
പ്രതീക്ഷയുടെ ഒരു പുതിയ ഉയര്തെഴുന്നെല്പ്പുവരെ ......
- 29.02.2005
No comments:
Post a Comment